A alfombra máxica

Un espectáculo para bebés especialmente recomendado para o seu desenvolvemento sensorio-motriz autónomo. Un prelibro  que nos incita a deixarnos levar polos sentidos.  A obra propón un espazo para ir á descoberta da contorna onde podemos tocar texturas diversas, crear  sons, percibir diferentes cheiros, explorar espazos que evocan un bosque con árbores que aparecen e desaparecen.

A actriz inicia unha viaxe á que despois convida ás nenas e nenos a participar e aos acompañantes a observar sen interferir.

 

Sinopse

“A alfombra máxica” é un lugar de libre experimentación, unha alfombra táctil, sonora e olfativa onde a artista plástica convida aos máis pequenos a mergullarse nunha viaxe sensorial. Xuntos descobren o pracer de apalpar, manipular, escoitar, ver, saborear…Unha invitación a xogar e experimentar con todo o corpo.

Monicreques, música e outras sorprersas viaxarán cos máis pequenos e  cos seus acompañantes adultos por un mundo  de emocións e sensacións.”

Ficha artística e técnica

  • Dirección: Nekane Fernandez
  • Dirección artística: Mirari Urruzola
  • Titiriteira e Actriz: Mirari  Urruzola
  • Produción executiva e artística: Mirari Urruzola
  • Deseño espazo escénico: Mirari Urruzola
  • Realización espazo escénico: Ramsés Romero e Mirari Urruzola
  • Fotografía: Pixelin Photo
  • Vídeo: Tingalaranga Audiovisual
  • Deseño Gráfico: Xurxo Seara
  • Colaboracións: Marta Santos e os alumnos de Educación infantil do CIFP Compostela, Tero Rodriguez, Larraitz Urruzola,  Marta Ortiz, Lucho Penabade, Escola do Medio, Marcela Rubiano, Kukas producciones artísticas, Elena Cristóbal, Maria Jesús Agra Pardiñas.

Necesidades técnicas

  • Público: Ata 3 anos
  • Nº de participantes: 15 bebés + acompañantes
  • Duración: 40 min ( inclue tempo de recepción e despedida)
  • Tempo de montaxe: 4 h e desmontaxe 2 h
  • Medidas da Alfombra: ancho 6 m/ Fondo 5m (adaptable a ancho 4m /fondo 5m)