Nesta proposta teatral o xogo e a experimentación son canles de autocoñecemento, de descuberta, de comunicación. Crease un contexto de expresión total onde podemos comunicar a través do corpo, das emocións vividas e da fala.

Un espectáculo teatral sobre a intelixencia emocional

Un espectáculo para bebés especialmente recomendado para o seu desenvolvemento sensorio-motriz autónomo.
Un prelibro que nos incita a deixarnos levar polos sentidos. A obra propón un espazo para ir á descoberta da contorna onde podemos tocar texturas diversas, crear sons, percibir diferentes cheiros, explorar espazos que evocan un bosque con árbores que aparecen e desaparecen.

Un espectáculo baseado nas lembranzas  de dous personaxes inolvidables, Nai e a súa filla  Malva, que dialogan cos xestos e as palabras pero tamén dándolle vida aos  obxectos máis cotiáns nunha montaxe chea de poesía  e sentimento.

Dúas titiriteiras recrean un bosque e os seus animais para contar, con monicreques de obxectos, esta historia de sensibilización ambiental.
Nun bosque onde vivían moitos animáis algo pasou que fixo ladrar ao can….
Unha lapa de lume chegou con ganas de facer un incendio.

Marusía é unha nena que vive perto do mar. Nesta historia, Marusía ten que superar a proba dos tres eMes: a Mentira, a Maldade e o Medo, encarnados nun construtor sen escrúpulos, un furtivo do marisqueo e o terror ao descoñecido.